Movie, Video

台北夜蒲團團轉之錢大導的雛妓

0




錢大導繼《喜愛夜蒲》三步曲之後又一夜蒲新作,首先我尖咀拖板哥RayMond申報之前三套夜蒲都無入戲院睇 ,唔係睇DVD就喺電影台搞掂。

第一集都叫有少少驚喜,話哂我都係一件雄性動物,成套戲啲女多都咁,無話唔興奮嘅,不過之後嗰集我記得我有睇嘅,但零印象,連邊個有份做都唔記得。。。第三集好啲,有印象嘅,因為我上個月先喺衛視電影台睇之嘛,但個感覺就好似食咗一餐好豐富嘅「國偉五十道空氣」咁,完全唔知睇過乜?我嗰個幾鐘頭嘅記憶好似無原無故消失咗咁。

10461626_856075774436417_3811193787100001634_n

講得太遠添,都係講返呢套《團團轉》先,今次其實係因為有首映飛我先大膽入戲院睇錢大導嘅作品,我去之前當然做返少少功課先,先睇Trailer,正常地條Trailer剪得相當好,所以我更加擔心(大家明白),老實,今次呢套新作夜蒲味真係少咗啲啲,錢大導今次明顯想以喜劇包裝,成套戲80%講國語,明顯都唔係拍俾香港人睇。

11021501_856074997769828_6964690587952381106_o

故事簡單嚟講:關楚耀無情情攞住佢老母隻戒指走咗去台北搵佢個生日要喺台灣溝仔嘅女友串咀Barbie求婚,但戒指俾許維恩同阿達(自由發揮)意外撞跌咗落坑渠喺執唔到之下關楚耀陪阿達去咗夜場返工認識嘅PR李伯恩(自由發揮),與此同時Barbie同佢班姐妹及表弟陸永出現同一夜場Barbie就梗係要轉場溝仔但要陸永留底跟住關楚耀廢事又撞到無運行,陸永就咁留底喺度而認識咗貪錢嘅雞扒妹,主要角色出齊,故事就咁開始大家喺一晚時間一齊幫手搵戒指/睇肉世界/搵/肉/肉/搵/肉/ 肉。。。。。。

10911365_856074371103224_8542350041303616759_o

連老人院院長都係著比堅尼出場,我問你死未!最後關楚耀當然搵返戒指啦,而有情人當然都終成眷屬啦,許維恩突然嫁關楚耀雞扒妹突然愛陸永阿邊個突然同邊個又一齊咁,唔明?我都係!預咗胡鬧,預咗無故事,預咗笑下算,點知咩都無,成套戲拍到一節節咁,就好似有幾個導演分頭拍幾套夜蒲小品然後串埋一齊咁囉。一晚嘅故仔拍成一套戲而相近嘅我諗起《The Hangover》,但質素當然有一段極大距離,我估台灣上映應該比香港受歡迎。

正常地剪得相當好嘅Trailer


睇完呢套《台北夜蒲團團轉》之後,我竟然諗起阿Sa套《雛妓》,有一幕任達華升職後開始喺公開場合灑官腔,一日華哥上金屋搵阿Sa,對白係咁嘅:

華:我之後仲有兩個會要開,都唔知點解我都仲要上嚟搵你。

Sa:。。。。。。

華:我好忙㗎。。。

Sa:。。。。。。

華:妳做乜啫?

Sa:你係咪想同我講,我好忙㗎,之後仲要開兩個會,你快啲過嚟俾我X啦!

華:。。。。。。你講咩呀!妳食嘅著嘅。。。

Sa:我有俾你X架!

Sa:我食嘅住嘅著嘅都係我自己賺返嚟㗎。。。

華:啪!!!(打咗Sa一巴)

Sa:X呀!X呀!X呀!快啲X呀!

華:。。。(走咗)

錢大導,雖然你有俾我哋X,但食嘅住嘅著嘅都係喺我哋嘅錢賺返嚟,但。。。你有無諗過 ,我哋並唔係真係想X你㗎。

(編按:內文為劇照圖片,封面相為尖咀拖板哥RayMond改圖)

電影《雛妓》首支育成預告片 (三級版!!! 慎入!!!)


 




#以上文章由作者特約撰寫或授權提供,內容僅屬作者意見,並不代表網站立場。若分享內容有任何侵權,請來信通知,我們會盡快加上版權來源,若版權擁有者反對我們使用,我們會尊重版權法,盡快將相關內容移除。歡迎任何人和機構於社交媒體轉載文章連結,但未經書面授權不得轉載及拷貝文章全部內容,感謝支持。

About the author / 

尖咀拖板哥RayMond
尖咀拖板哥RayMond

本人咩都有,係無時間,所以唔喜煲劇只愛電影,如果知道電影有幾集都興趣大減,個幾兩個鐘就可以睇一個故事,我覺得超級抵。

Related Posts